Badhit

Samay ke pher hai, phirega phir se

Ladkhadaya hai insan, sambhlega phir se

Vakht ka takaza hai, sada ke liye kuchh nahi

Soch thodi dhundhlayi thi, ubhrega phir se

Samay ki neeti hai, tumhe aur mujhe parakhne ki,

Kitni shakti hai vishwas mein, usko tatolne ki

Pair jama khade raho vahi par

Aadat hai, himmat ke aage, neeti ki badalne ki

Saath apno ka dena hai,

Saath dekar auron ko apna banana hai

Apne pairon ke chalan ki seema ghataanee hai

Aur apne duniye ke dayre ko badhana hai

Girke uthenge hum, tabhi insaan hain

Auron ko uthayeinge, tabhi insaan hain

Kabhi kabhi ghabrayein, yeh laazmi hai

Ghabrake phir sambhal jaayein, tabhi insaan hain

Naya kal banayenge,

Dilon mein nahi, shareerik doori badhayeinge

Dhoondhenge kaam karne ka naya tareeka

Swavlabhita badhayenge

Kal jo thha, voh aaj nahi

Aaj bhi kal mein badlega

Badlaav hi to neeyam hai

Nahi to naya kaise ubhrega

Yeh naya zmana saamne hai

Kal aur bhi achha pal aaye

Bas dekhna hai humare dilon mein

Date rehne ki kitni dridta hai